東伊豆「城崎海岸」 飽覽太平洋海岸線 +櫻花 +日本自然景觀

東伊豆除了到「#熱海」浸溫泉，亦可以去「大室山」和「城崎海岸」睇風景。沿着城崎海岸一路行，飽覽伊豆同太平洋相連的海岸線。

去 #誠崎海岸交通算方便。由東京車站搭乘踊子號或超景踊子號，約2小時30分，就抵達河津車站，再購買巴士套票一次行晒 #東伊豆 著名景點，班次算多，只要留意巴士到站時間表就可以。🚌

誠崎海岸是幾百年前火山岩漿冷卻後形成的自然景觀，長約9公里。入去「門脇燈塔」多為泥路，我就揀咗沿海岸線行，沿途有少少上落坡，海風吹住，唔會好辛苦；沿途周圍好多不同形狀的斷崖同礁岩，只聽到海水打到崖石嘅聲音，加上風聲、樹聲，再走近啲望，原來浪花都可以好靚。❤️❤️

行咗大概30至40分鐘，越來越多人聲傳來，就知道返回社會，到達「門脇吊橋」。吊橋高23公尺，唔算壯觀，行過去「搖搖吓」，下面就係「太平洋」，跳出「維多利亞港」嘅層次，感覺幾得意。

好多遊客在「門脇燈塔」影相、打卡。望去崖邊，冇圍欄，影相真係要小心啲，不過咁樣睇嘅太平洋好自然，更真實。坐喺崖邊，望見個海得一條線，海風「隆隆」聲，相信只可以喺伊豆捕捉到呢種感受；就咁樣我就hea 住睇咗一個鐘。😎

返回巴士站，喺唯一的小食店食杯丸子雪糕，下一站就係 #大室山 同 #仙人掌公園。🍨🍦

伊豆半島分咗幾部分，一天行唔晒，最好住2晚。驚來東伊豆齋睇風景悶得滯？其實只要揀啱月份，就可以睇到日本最早嘅櫻花 #河津櫻。

雖然東京去伊豆車費好貴，但睇到日本「零舍唔同」一面，「回到本」。