東京銀座藝術水族館（Tokyo Ginza Art Aquarium）是一個位於東京銀座的獨特水族館，融合了藝術和自然的元素。這裡不僅展示了各種美麗的水族，還有許多創意的藝術裝置和設計，讓人們在欣賞水族的同時，也能感受到藝術的魅力。
作者: 主編
博客，又是文案作家，歡迎來信洽談。
銅鑼灣高質 Omakase – 藏 Kura
價錢：午市套餐由$500至$2000不等
環境：🌟🌟🌟🌟
味道：🌟🌟🌟🌟🌟
服務：🌟🌟🌟🌟
朋友非常有心，有日請我食晏，推介銅鑼灣有間好高質嘅 Omakase，咁就帶咗我去。
咦，又真係好正，所以真心推介一下。
午市分兩個時段，餐牌上有幾款套餐可以選擇，朋友知我大食，就揀咗最貴、最多嘢嘅套餐俾我。真心多謝。❤️🙏🏻
坐吧枱、睇住師傅整料理，師傅又會講解每款食材來源同特質，更容易品嚐到食材獨特味道，味蕾體驗一流。👍 每款菜式擺盤好靚，好精緻，而好多食材來源都好偏門，亦食出同普通日本餐廳有明顯差別。
去日本旅行可能唔會食貴嘢，所以覺得 Kura 某啲菜式甚至好食過在日本食，特別係生蠔🦪 同和牛，超出個人味覺想像。
餐廳裝修好靚，但我又真係唔好意思喺度影相，所以冇得睇。😊 這次用餐體驗非常一流，大家不妨考慮嚟呢度試吓。
台北銀河洞 – 貓空：IG 仙氣打卡位/行山/食土雞
台灣銀河洞，行山、食土雞、遊動物園都得。
遊走「銀河洞越嶺步道」半天遊
疫情下人人都行山！🚶♂️🚶♀️如果2021年仍覺得有些微機會，可以計劃試行台北「銀河洞越嶺步道」。步道不長，除了睇到台北最具仙氣的岩中廟之外，行到貓空又可以行茶園，試食走地雞和野菜，絕對顛覆「永遠都係西門町」的旅遊經驗。
新店捷運站坐12號公車🚌，銀河洞站落車，再行30分鐘就到達登山口。#一個人旅行 唔急，行吓「無所謂」。
銀河洞小故事
「銀河洞」（1914年）其實是依洞而建的呂洞賓廟，在1958年重新改建。據當地人說：日治初期，抗日英雄陳秋菊曾利用銀河洞的天險和日軍周旋，最終日軍都無法擊垮陳秋菊，可想而知銀河洞有幾險。
由登山口行30分鐘就會聽到瀑布聲，轉彎就睇到「銀河洞」真貌。銀河洞依山壁內凹所形成的天然山洞建造而成，洞外有著名的「銀河洞瀑布」。瀑布由斷崖瀉下，係IG仙氣打卡位。不過靚嘢像極了愛情💑……
永遠是擦身而過🤦♂️(當天水量唔夠，影唔到靚相)。廟不大，比較暗，反而幾有特色。銀河洞外長滿青苔和大型蕨類植物，將廟和自然融合，是一條兼具自然及人文氣息的越嶺步道。
步道可以由新店行到貓空。貓空為昔日台北市最大產茶區之一，是茶藝及夜景勝地，也因為貓空纜車和木柵動物園而聞名。當然貓空景點不只這些，當中亦有好玩好睇的地方。
沿樟湖步道與樟樹步道到貓空纜車站會見到綠油油的茶園，所以來貓空絕不少得泡茶和喝茶。這裡亦有一些餐廳將茶葉入饌，絕對可以一試。
貓空纜車全長4.03公里，為台灣最長纜車。當中最受歡迎的水晶車廂底部由4.8公分厚的3層強化玻璃打造，全透明視野帶給乘客新鮮、刺激體驗。
小結
「銀河洞越嶺步道」和銀河洞可說是香港人較冷門的台北旅遊景點。如果只想影幾張相，可能會覺得路程比較遠，但如果喜歡戶外活動和行山，路線可以同時滿足幾個願望，絕對值回車票價。
銀河洞位置
地址: 新北市新店區銀河路(新店銀河仙境福德祠)
路程：2.2公里
約需時間：1 小時 5 分鐘 (如何到貓空時間會較長)
#尋找你的旅行背包 #尋找你的旅行背包台灣篇
窮遊欣賞吳哥窟/歎高棉餐
最近幾個月，大家聽到柬埔寨有點驚。其實柬埔寨亦有好靚一面，世界文化遺產吳哥窟，無論前邊、後面、上面、側面睇都一樣咁靚。一齊睇吓吳哥窟美景。
吳哥窟旅行算是人生 top list 之一，因為「齋」睇寺塔要有好大決心😅。如果參觀柬埔寨🇰🇭主要寺廟，建議3日，即要留5、6日。點都好，出發前要辦旅行簽證。
香港飛柬埔寨大約兩個多小時，睇完一套電影就到。📱
行程首2日參觀城外著名寺廟，如聖劍寺等，真係行餐死😌 。第三天，坐「tuk tuk」到「小吳哥」城區。吳哥窟四周被大片樹木和護城河包圍。一落車就睇得出吳哥窟同其他寺塔的分別 — 一條直路好長，直通主廟，中軸線兩旁係藏經閣，遠觀好宏偉，不愧為柬埔寨保存最好的廟宇之一。
吳哥窟前面有水池，影到吳哥窟倒影。
廟低層由迴廊組成，好似迷宮，迴廊上面刻有不少關於印度神話的浮雕，保存好好。
走上去，上幾層設計好似成座金字塔，東南亞國家好少見到呢種設計。由中央的塔廟頂望出去就睇到吳哥窟的設計好細緻，比例平衡恰到好處。寺遠處有整片森林覆蓋，好壯觀，成座森林中的古城，可以想像當地人當年對宗教的熱誠才能夠建成咁偉大的建築。
吳哥窟附近的 #巴揚寺 #bayon 都十分出名。
如果唔請導遊，一定要做資料蒐集，更容易了解吳哥窟的宏偉和歷史。Google 航拍就知吳哥窟的規模好大。
柬埔寨消費好低。酒店價錢好平，當時住 #centralboutiqueangkorhotel ，6日1800蚊，好有 Villa feel。絕對係 #窮遊 和 #一個人旅行 之選。
未試高棉菜可以試試，例如 amok ，高棉烤雞；好多小食你未試過，例如炸蠍子蜈蚣等等，當時都有衝動想試，不過就係冇最後決心😓。晚餐去夜市區搵食，酒吧🍺、餐廳🍽🍾乜都有。
參觀吳哥窟鍛練到體能。一來天氣好熱，乘坐「tuk tuk」3分鐘背心已經濕晒，二來3日旅行不斷爬樓梯，行上去咪話唔辛苦，不過見證柬埔寨的歷史文化，又影到靚相，好值得🙌。第一次去旅行會瘦。
小貼士
1 離開吳哥窟同夜市區，其他地方比較落後，所以唔好周圍走，最好有朋友陪，諗返 #一個人旅行 當時都有啲驚 🤦♂️🤦♂️。
2 參觀吳哥窟及附近景點，最好包車或者「篤篤」，當然可以講價。
3 好多司機建議參觀吳哥窟是當天行程最後一站，因為可以影到黃昏🌇， Google下就知道，好靚。
4 5至10月都係雨季觀光就麻煩啲。
#一個人旅行 #尋找你的旅行背包 #吳哥窟 #窮遊 #柬埔寨
2023 清邁 Gampling 豪華露營⛺️ (YouTube 版)
介紹清邁豪華露營，玩盡湄林，恩他儂國家公園
M+ x 草間彌生
富麗敦海洋公園酒店晚餐buffet食評
富麗敦海洋公園酒店除咗泳池之外，自助餐都有驚喜。
超出味覺想像
地址－ 富麗敦海洋酒店星耀廳
環境／設施－ 🌟🌟🌟🌟🌟
特色－🌟🌟🌟🌟
人均價格－ 約800
評分－ 🌟🌟🌟🌟🌟。有意外驚喜。🤩
而家先寫富麗敦海洋公園酒店？其實一啲都唔遲！😜因為係寫海洋酒店星耀廳晚餐buffet，網上食評一般，但以自助餐來講，真係幾好食，絕對比想像中好。
餐廳環境一流，好有東南亞、馬來西亞感覺。望住過海食飯，緊係好食……😊 另外，加錢有紅、白酒放題，嚟呢度食飯都預咗，豪俾佢。🤣🍾
要返本，就一定食冷盤。龍蝦唔乾身，「好少可」食到有汁，驚喜度十足。麵包蟹都唔乾身，好多膏。凍花蟹有肉食，呢點好緊要，其他酒店好多都只係食個殼，蟹肉唔夾 🥹。
沙律吧最特別係有原隻火腿，即叫即切，好少見。
熟食好多選擇，亦有專櫃做 BBQ。烤和牛好好食。中式燒肉整得幾好食，一層肉，一層肥膏，Yummy，不過，中國點心就…… 唔想講 😞😞😞😞
朋友話呢度甜品好好食，加上賣相一流 👍。本身唔係「甜品控」，只係覺得唔太甜，都幾好食嘅。
當晚自助晚餐喺水準之上，加上環境一流，冇「搶嘢食」情況， refill 好快，成晚食得好開心。
除咗buffet，富麗敦酒店泳池有無敵大海景，影相、打卡一流，朝早起身望吓海，醒哂。最好嚟呢度食 buffet 同staycation, 再去海洋公園玩一日，真心 perfect。❤️
#hkfoodie #真實食評 #自助餐攻略 #海洋公園酒店 #尋找你的旅行背包
清邁 Phu Morinn Gampling 豪華露營體驗
2023 嘗試新邁新玩法
疫情下再一次 #一個人旅行，想為2022年畫上句號。唔係選擇到日本滑雪、亦唔係曼谷 shopping ，而係較冷門嘅清邁 #一個人旅行，又估唔到呢3年清邁多咗咁多新嘢玩 🤩。
疫情下去清邁飛機唔多。今次選搭 #hkexpress，因為機票較平；酒店就用 #Booking.com 訂。疫情驚臨時更改行程，Booking.com 就可以免費更改/取消訂單 🙏🏻。
抵達清邁國際機場已經傍晚，「喳喳林」搭車去湄林縣的 Phu Morinn Cafe and Camp。Check-in 之後，即刻 order 個清邁著名嘅豚肉火鍋；食材唔貴，但好大份，好抵食，醫肚最啱👍。
營地在湄林縣山區，附近都係梯田同農莊。營地有幾種帳幕選擇，每個方案都有獨立廁所，幾乾淨，私隱度幾高👍👍。第一晚住球型帳幕，有個戶外浴缸。晚上浸泡泡浴，飲杯嘢，望住星星，又可以喺床上望住山景，好chill；第二晚瞓露營車，景觀冇咁好，不過自成一國，比較適合一家大細。提提你，清邁山區夜晚好凍，溫差幾大，最好帶多件衫。
營地職員好Nice，不過山區人多，英文唔係幾好，不過 whatapp 英文溝通都無問題。出發前最好要求佢哋安排車到機場接送，當然要另外收費，預咗🤷♂️。
湄旺縣有好多呢種豪華露營⛺️ #gampling，所以發展咗唔少景點，例如士多啤梨園、湄薩瀑布、大象公園等。好多人到清邁都只喺市區入邊，其實湄旺都好多嘢睇，最好方法就係包車一日遊。
三日兩夜好快過。喺湄旺區豪華露營，腳步放慢咗，睇到日出日落，行吓走下就一日，好舒服。
三日兩夜嘅豪華露營，就咁完咗，跟住叫酒店安排咗車返清邁，開始另一個旅程，睇藍、白、黑廟。
#尋找你的旅行背包 #清邁 #湄林 #豪華露營
法式宮殿首波設施率先看！澳門上葡京酒店及SPA初體驗
記者實試！澳門首間 Shake Shack 都有特別版 / 隱藏美食推薦？！
澳門今天又迎來一間國際品牌Shake Shack，餐廳位於澳門倫敦人2樓，除了經典美食外，還有澳門獨家美食及商…
記者實試！澳門首間 Shake Shack 都有特別版 / 隱藏美食推薦？！
尋找你的旅行背包 