價錢：午市套餐由$500至$2000不等
環境：🌟🌟🌟🌟
味道：🌟🌟🌟🌟🌟
服務：🌟🌟🌟🌟
朋友非常有心，有日請我食晏，推介銅鑼灣有間好高質嘅 Omakase，咁就帶咗我去。
咦，又真係好正，所以真心推介一下。
午市分兩個時段，餐牌上有幾款套餐可以選擇，朋友知我大食，就揀咗最貴、最多嘢嘅套餐俾我。真心多謝。❤️🙏🏻
坐吧枱、睇住師傅整料理，師傅又會講解每款食材來源同特質，更容易品嚐到食材獨特味道，味蕾體驗一流。👍 每款菜式擺盤好靚，好精緻，而好多食材來源都好偏門，亦食出同普通日本餐廳有明顯差別。
去日本旅行可能唔會食貴嘢，所以覺得 Kura 某啲菜式甚至好食過在日本食，特別係生蠔🦪 同和牛，超出個人味覺想像。
餐廳裝修好靚，但我又真係唔好意思喺度影相，所以冇得睇。😊 這次用餐體驗非常一流，大家不妨考慮嚟呢度試吓。
旺角康得思酒店自助餐介紹
富麗敦海洋公園酒店除咗泳池之外，自助餐都有驚喜。
地址－ 富麗敦海洋酒店星耀廳
環境／設施－ 🌟🌟🌟🌟🌟
特色－🌟🌟🌟🌟
人均價格－ 約800
評分－ 🌟🌟🌟🌟🌟。有意外驚喜。🤩
而家先寫富麗敦海洋公園酒店？其實一啲都唔遲！😜因為係寫海洋酒店星耀廳晚餐buffet，網上食評一般，但以自助餐來講，真係幾好食，絕對比想像中好。
餐廳環境一流，好有東南亞、馬來西亞感覺。望住過海食飯，緊係好食……😊 另外，加錢有紅、白酒放題，嚟呢度食飯都預咗，豪俾佢。🤣🍾
要返本，就一定食冷盤。龍蝦唔乾身，「好少可」食到有汁，驚喜度十足。麵包蟹都唔乾身，好多膏。凍花蟹有肉食，呢點好緊要，其他酒店好多都只係食個殼，蟹肉唔夾 🥹。
沙律吧最特別係有原隻火腿，即叫即切，好少見。
熟食好多選擇，亦有專櫃做 BBQ。烤和牛好好食。中式燒肉整得幾好食，一層肉，一層肥膏，Yummy，不過，中國點心就…… 唔想講 😞😞😞😞
朋友話呢度甜品好好食，加上賣相一流 👍。本身唔係「甜品控」，只係覺得唔太甜，都幾好食嘅。
當晚自助晚餐喺水準之上，加上環境一流，冇「搶嘢食」情況， refill 好快，成晚食得好開心。
除咗buffet，富麗敦酒店泳池有無敵大海景，影相、打卡一流，朝早起身望吓海，醒哂。最好嚟呢度食 buffet 同staycation, 再去海洋公園玩一日，真心 perfect。❤️
澳門今天又迎來一間國際品牌Shake Shack，餐廳位於澳門倫敦人2樓，除了經典美食外，還有澳門獨家美食及商…
記者實試！澳門首間 Shake Shack 都有特別版 / 隱藏美食推薦？！
最近有朋友分享喺官塘旺場嘅「密密燒」現已進駐深水埗。「試食親善大使」當然唔會錯過呢次機會為大家介紹吓。餐廳位置於長沙灣、深水埗一帶，去開旺區搵食的話，就會覺得唔「就腳」，不過正因為咁，餐廳空間夠大，環境寛敞，坐得幾舒服，加上抽氣充足，衛生方面絕對係最高級別。
「密密燒」為無限任食，食物寫單任叫，飲品自取，當中有好少見的日本啤酒，加錢可以轉任飲生啤。餐廳員工每次都建議客人落單唔需要點大多，鼓勵大家做「惜食行家」。加上用 QR Code 落單，餐廳確實為環保出力。
講到食物真係冇話可說。首先係烤爐設計讓食材不斷轉動，防止食物水份烤乾，所以食物烤完後仍然保留肉汁。食材又新鮮，牛肉有牛肩胛、西冷、牛板腱多種選擇，其他肉類都有細分各種類。香腸的味道亦不是出面串燒店就食得到，雞軟骨和鴨舌唔係細細粒，烤後脆脆地幾好食。🥩🍖🥓🍗
你可能感興趣：探訪香港最後鹽田：西貢鹽田梓村
蔬菜選擇多，首選菠蘿、蒜頭和秋葵，菠蘿燒後帶點酸甜，非常醒胃，朋友真係食咗好多。個人比較喜歡烤蒜頭，一來比較少見，而蒜頭亦多食有益。在菜單中亦感受到老板對食物質量及客人健康考慮都幾堅持。其實，識食都要食得健康，新鮮肉類簡單只用幾粒鹽，就能帶出鮮味。🥬🧄🧅🥔
任食2.5小時，每位$250有找，朋友話不收加一，性價比極高。每枱備有自拍桿，只可以講老板真係好識做宣傳。👏👏👏
初時以為「密密燒」類似韓式燒烤，所以冇大冀望，不料喜出望外，烤爐設計令食物味道加分不少。唯一缺點是沒有特色食材，讓客人記在心。
地址：深水埗東京街50號地舖（顯示地圖）
電話：26234523
營業時間：星期一至日6pm-11:30pm
康得思酒店自助餐
疫情下食飯要格外小心。除了考慮食物質素之外，亦要關心餐廳衛生環境。上星期有機會一試朗豪坊康得思酒店的環球美食自助餐，食物質素保持酒店五星級水準之外，衛生方面在旺角區亦意外完善。
起初都有顧慮在疫情下食自助餐，但見到THE PLACE 將魚生、生蠔、龍蝦等生食由專人處理，分批小量供應，保持衛生又可以放心假手於人，專心試食。
真係懷念任食生蠔的日子。當晚生蠔較細，易入口，加上蠔汁豐富，質地緊實，入口有鮮味，神仙肚食完都唔會肚痛。生食也提供龍蝦爪，肉質緊實，難得海產沒有「死咸」味，感覺健康。刺生種類不多，但絕對優質。
熟食有北京填鴨、鵝肝、芝士焗龍蝦等，填鴨和鵝肝沒有想像中油膩，嗰肚有位食多幾件絕對無問題。值得一提烤羊架，一般酒店烤得很乾，但當晚咬落「軟身」，亦唔嚡口，唔油膩，屬中上水平。
食自助餐當然要食甜品，Movenpic雪糕都有8款選擇，整體種類不多但好高質，不是甜品控的我都食咗幾件，全因賣相吸引，適合打卡。馬卡龍和窩夫很脆，不太甜，考慮健康的話，味道絕對剛剛好。
有定時留意食評網的話會發現THE PLACE自助餐優惠。當晚人均消費六百元多，著實在旺角區來說有點貴，但食物和環境衛生質素不是同區可比，又唔需要搶食。
康得思自助餐專注提供高質素食物，種類可能不夠多，但每款都很有特色。慶幸食物味道偏淡，少鹽少油是健康之選，亦難得酒店有一系列防疫措施，讓食客食得放心。復活節將到，近近地，康得思酒店自助餐也是不錯的選擇。
你可能感興趣：探訪香港最後鹽田：西貢鹽田梓村
更多精彩文章，歡迎訂閱尋找你的旅行背包。
香港美食推介
享受一頓豐盛早餐，絕對是開展美好一天的最佳方法。位於銅鑼灣的餐廳酒吧ZENG最新推出「海景朝食套餐」，早餐配維…
香港 ZENG 首次推出全海景朝食套餐
Houto Labo 位於河口湖美術館附近，餐廳環境優靜，適合稍作休息的餐廳。餺飥麵(Houtou) 好像板麵，是富士山區特色麵食，自然要試，湯超甜。富士山啤酒由富士山天然水釀造，口感清新，容易入口，很配合餐廳環境。 如果行累了，想靜靜地吃一頓午餐，Houto Labo 是不錯選擇。
下一篇：發掘泰國深度遊
尋找你的旅行背包 