東京銀座藝術水族館（Tokyo Ginza Art Aquarium）是一個位於東京銀座的獨特水族館，融合了藝術和自然的元素。這裡不僅展示了各種美麗的水族，還有許多創意的藝術裝置和設計，讓人們在欣賞水族的同時，也能感受到藝術的魅力。
標籤: 一個人旅行
窮遊欣賞吳哥窟/歎高棉餐
最近幾個月，大家聽到柬埔寨有點驚。其實柬埔寨亦有好靚一面，世界文化遺產吳哥窟，無論前邊、後面、上面、側面睇都一樣咁靚。一齊睇吓吳哥窟美景。
吳哥窟旅行算是人生 top list 之一，因為「齋」睇寺塔要有好大決心😅。如果參觀柬埔寨🇰🇭主要寺廟，建議3日，即要留5、6日。點都好，出發前要辦旅行簽證。
香港飛柬埔寨大約兩個多小時，睇完一套電影就到。📱
行程首2日參觀城外著名寺廟，如聖劍寺等，真係行餐死😌 。第三天，坐「tuk tuk」到「小吳哥」城區。吳哥窟四周被大片樹木和護城河包圍。一落車就睇得出吳哥窟同其他寺塔的分別 — 一條直路好長，直通主廟，中軸線兩旁係藏經閣，遠觀好宏偉，不愧為柬埔寨保存最好的廟宇之一。
吳哥窟前面有水池，影到吳哥窟倒影。
廟低層由迴廊組成，好似迷宮，迴廊上面刻有不少關於印度神話的浮雕，保存好好。
走上去，上幾層設計好似成座金字塔，東南亞國家好少見到呢種設計。由中央的塔廟頂望出去就睇到吳哥窟的設計好細緻，比例平衡恰到好處。寺遠處有整片森林覆蓋，好壯觀，成座森林中的古城，可以想像當地人當年對宗教的熱誠才能夠建成咁偉大的建築。
吳哥窟附近的 #巴揚寺 #bayon 都十分出名。
如果唔請導遊，一定要做資料蒐集，更容易了解吳哥窟的宏偉和歷史。Google 航拍就知吳哥窟的規模好大。
柬埔寨消費好低。酒店價錢好平，當時住 #centralboutiqueangkorhotel ，6日1800蚊，好有 Villa feel。絕對係 #窮遊 和 #一個人旅行 之選。
未試高棉菜可以試試，例如 amok ，高棉烤雞；好多小食你未試過，例如炸蠍子蜈蚣等等，當時都有衝動想試，不過就係冇最後決心😓。晚餐去夜市區搵食，酒吧🍺、餐廳🍽🍾乜都有。
參觀吳哥窟鍛練到體能。一來天氣好熱，乘坐「tuk tuk」3分鐘背心已經濕晒，二來3日旅行不斷爬樓梯，行上去咪話唔辛苦，不過見證柬埔寨的歷史文化，又影到靚相，好值得🙌。第一次去旅行會瘦。
小貼士
1 離開吳哥窟同夜市區，其他地方比較落後，所以唔好周圍走，最好有朋友陪，諗返 #一個人旅行 當時都有啲驚 🤦♂️🤦♂️。
2 參觀吳哥窟及附近景點，最好包車或者「篤篤」，當然可以講價。
3 好多司機建議參觀吳哥窟是當天行程最後一站，因為可以影到黃昏🌇， Google下就知道，好靚。
4 5至10月都係雨季觀光就麻煩啲。
#一個人旅行 #尋找你的旅行背包 #吳哥窟 #窮遊 #柬埔寨
清邁 Phu Morinn Gampling 豪華露營體驗
2023 年再次旅行，發現清邁多咗好多新嘅。豪華露營在湄林，遊山玩水，去埋泰國最高峰恩他儂國家公園
2023 新邁住宿新玩法
2023 年再次 #一個人旅行 ，為2022年畫上句號。今次唔係去日本滑雪、亦唔係曼谷 shopping ，而係到較冷門的清邁 #一個人旅行 。哈，又估唔到呢3年清邁多咁多新嘢玩 。
#通關 清邁飛機唔多。今次選搭 #hkexpress ，因為機票較平；酒店就用 #Booking.com 訂，因為驚臨時更改行程，而Booking.com 可以免費更改/取消訂單 。
抵達清邁國際機場已經傍晚，「喳喳林」搭車去湄林縣的 Phu Morinn Cafe and Camp。Check-in 之後，order 個清邁著名的豚肉火鍋；食材唔貴，但好新鮮，大份，好抵食，醫肚最好。
營地在湄林縣山區，附近是梯田同農莊。營地有幾種帳幕選擇，每個方案都有獨立廁所，乾淨，私隱度高。第一晚住球型帳幕，有戶外浴缸。晚上浸泡泡浴，飲杯嘢，望住星空；瞓在床上對住山景，好chill；第二晚瞓露營車，景觀冇咁好，不過自成一國，適合一家大細。提提你，清邁山區夜晚好凍，溫差幾大，最好帶多件衫。
營地職員好Nice，不過山區人多，英文唔係幾好，不過 whatapp 英文溝通都無問題。出發前最好要求佢哋安排車到機場接送，當然要另外收費，預咗。
湄林縣有好多呢種豪華露營 #gampling ，附近好有好多景點，例如士多啤梨園、湄薩瀑布、大象營等。好多人到清邁只喺市區入邊玩，其實湄林縣都好多嘢睇，最好方法就係包車一日遊。
三日兩夜好快過。喺湄林區豪華露營，腳步放慢咗，睇吓日出日落，行吓走下就一日，好舒服。
豪華露營 #gampling 就咁完結，跟住酒店安排車返清邁，開始另一個旅程，就係去藍、白、黑廟。
營地地址：14/2 หมู่บ้านหนองหอยเก่า ห่างจากม่อนแจ่มเพียง 1 กิโล แม่แรม Mae Rim District, Chiang Mai 50180泰國
#尋找你的旅行背包 #清邁 #湄林 #豪華露營
一個人旅行 香港坪洲隨遊
香港離島遊 坪洲的隱世生活
A secluded island in Hong Kong, Pang Chau
東伊豆「城崎海岸」 飽覽太平洋海岸線 +櫻花 +日本自然景觀
伊豆半島永遠都係日本旅遊嘅秘境。只要肯去，自然風景，櫻花，美食通通喺晒。
東伊豆除了到「#熱海」浸溫泉，亦可以去「大室山」和「城崎海岸」睇風景。沿着城崎海岸一路行，飽覽伊豆同太平洋相連的海岸線。
去 #誠崎海岸交通算方便。由東京車站搭乘踊子號或超景踊子號，約2小時30分，就抵達河津車站，再購買巴士套票一次行晒 #東伊豆 著名景點，班次算多，只要留意巴士到站時間表就可以。🚌
誠崎海岸是幾百年前火山岩漿冷卻後形成的自然景觀，長約9公里。入去「門脇燈塔」多為泥路，我就揀咗沿海岸線行，沿途有少少上落坡，海風吹住，唔會好辛苦；沿途周圍好多不同形狀的斷崖同礁岩，只聽到海水打到崖石嘅聲音，加上風聲、樹聲，再走近啲望，原來浪花都可以好靚。❤️❤️
沿着岸邊行，睇到嘅係太平洋，好感動，原來人類真係好渺小。
行咗大概30至40分鐘，越來越多人聲傳來，就知道返回社會，到達「門脇吊橋」。吊橋高23公尺，唔算壯觀，行過去「搖搖吓」，下面就係「太平洋」，跳出「維多利亞港」嘅層次，感覺幾得意。
富麗敦海洋公園酒店晚餐buffet食評
富麗敦海洋公園酒店除咗泳池之外，自助餐都有驚喜。
超出味覺想像
地址－ 富麗敦海洋酒店星耀廳
環境／設施－ 🌟🌟🌟🌟🌟
特色－🌟🌟🌟🌟
人均價格－ 約800
評分－ 🌟🌟🌟🌟🌟。有意外驚喜。🤩
而家先寫富麗敦海洋公園酒店？其實一啲都唔遲！😜因為係寫海洋酒店星耀廳晚餐buffet，網上食評一般，但以自助餐來講，真係幾好食，絕對比想像中好。
餐廳環境一流，好有東南亞、馬來西亞感覺。望住過海食飯，緊係好食……😊 另外，加錢有紅、白酒放題，嚟呢度食飯都預咗，豪俾佢。🤣🍾
要返本，就一定食冷盤。龍蝦唔乾身，「好少可」食到有汁，驚喜度十足。麵包蟹都唔乾身，好多膏。凍花蟹有肉食，呢點好緊要，其他酒店好多都只係食個殼，蟹肉唔夾 🥹。
沙律吧最特別係有原隻火腿，即叫即切，好少見。
熟食好多選擇，亦有專櫃做 BBQ。烤和牛好好食。中式燒肉整得幾好食，一層肉，一層肥膏，Yummy，不過，中國點心就…… 唔想講 😞😞😞😞
朋友話呢度甜品好好食，加上賣相一流 👍。本身唔係「甜品控」，只係覺得唔太甜，都幾好食嘅。
當晚自助晚餐喺水準之上，加上環境一流，冇「搶嘢食」情況， refill 好快，成晚食得好開心。
除咗buffet，富麗敦酒店泳池有無敵大海景，影相、打卡一流，朝早起身望吓海，醒哂。最好嚟呢度食 buffet 同staycation, 再去海洋公園玩一日，真心 perfect。❤️
#hkfoodie #真實食評 #自助餐攻略 #海洋公園酒店 #尋找你的旅行背包
清邁 Phu Morinn Gampling 豪華露營體驗
2023 嘗試新邁新玩法
疫情下再一次 #一個人旅行，想為2022年畫上句號。唔係選擇到日本滑雪、亦唔係曼谷 shopping ，而係較冷門嘅清邁 #一個人旅行，又估唔到呢3年清邁多咗咁多新嘢玩 🤩。
疫情下去清邁飛機唔多。今次選搭 #hkexpress，因為機票較平；酒店就用 #Booking.com 訂。疫情驚臨時更改行程，Booking.com 就可以免費更改/取消訂單 🙏🏻。
抵達清邁國際機場已經傍晚，「喳喳林」搭車去湄林縣的 Phu Morinn Cafe and Camp。Check-in 之後，即刻 order 個清邁著名嘅豚肉火鍋；食材唔貴，但好大份，好抵食，醫肚最啱👍。
營地在湄林縣山區，附近都係梯田同農莊。營地有幾種帳幕選擇，每個方案都有獨立廁所，幾乾淨，私隱度幾高👍👍。第一晚住球型帳幕，有個戶外浴缸。晚上浸泡泡浴，飲杯嘢，望住星星，又可以喺床上望住山景，好chill；第二晚瞓露營車，景觀冇咁好，不過自成一國，比較適合一家大細。提提你，清邁山區夜晚好凍，溫差幾大，最好帶多件衫。
營地職員好Nice，不過山區人多，英文唔係幾好，不過 whatapp 英文溝通都無問題。出發前最好要求佢哋安排車到機場接送，當然要另外收費，預咗🤷♂️。
湄旺縣有好多呢種豪華露營⛺️ #gampling，所以發展咗唔少景點，例如士多啤梨園、湄薩瀑布、大象公園等。好多人到清邁都只喺市區入邊，其實湄旺都好多嘢睇，最好方法就係包車一日遊。
三日兩夜好快過。喺湄旺區豪華露營，腳步放慢咗，睇到日出日落，行吓走下就一日，好舒服。
三日兩夜嘅豪華露營，就咁完咗，跟住叫酒店安排咗車返清邁，開始另一個旅程，睇藍、白、黑廟。
#尋找你的旅行背包 #清邁 #湄林 #豪華露營
安心搵食：旺角康得思酒店自助餐體驗
康得思酒店自助餐
疫情下食飯要格外小心。除了考慮食物質素之外，亦要關心餐廳衛生環境。上星期有機會一試朗豪坊康得思酒店的環球美食自助餐，食物質素保持酒店五星級水準之外，衛生方面在旺角區亦意外完善。
起初都有顧慮在疫情下食自助餐，但見到THE PLACE 將魚生、生蠔、龍蝦等生食由專人處理，分批小量供應，保持衛生又可以放心假手於人，專心試食。
品味生蠔
真係懷念任食生蠔的日子。當晚生蠔較細，易入口，加上蠔汁豐富，質地緊實，入口有鮮味，神仙肚食完都唔會肚痛。生食也提供龍蝦爪，肉質緊實，難得海產沒有「死咸」味，感覺健康。刺生種類不多，但絕對優質。
任食貴價菜式
熟食有北京填鴨、鵝肝、芝士焗龍蝦等，填鴨和鵝肝沒有想像中油膩，嗰肚有位食多幾件絕對無問題。值得一提烤羊架，一般酒店烤得很乾，但當晚咬落「軟身」，亦唔嚡口，唔油膩，屬中上水平。
精緻甜品
食自助餐當然要食甜品，Movenpic雪糕都有8款選擇，整體種類不多但好高質，不是甜品控的我都食咗幾件，全因賣相吸引，適合打卡。馬卡龍和窩夫很脆，不太甜，考慮健康的話，味道絕對剛剛好。
有定時留意食評網的話會發現THE PLACE自助餐優惠。當晚人均消費六百元多，著實在旺角區來說有點貴，但食物和環境衛生質素不是同區可比，又唔需要搶食。
小結
康得思自助餐專注提供高質素食物，種類可能不夠多，但每款都很有特色。慶幸食物味道偏淡，少鹽少油是健康之選，亦難得酒店有一系列防疫措施，讓食客食得放心。復活節將到，近近地，康得思酒店自助餐也是不錯的選擇。
你可能感興趣：探訪香港最後鹽田：西貢鹽田梓村
更多精彩文章，歡迎訂閱尋找你的旅行背包。
探訪香港最後鹽田：西貢鹽田梓村
香港最後鹽田，西貢鹽田梓村半天遊
利用一個週末了解香港客家村民的一個故事，發掘更多香港歷史，一切由鹽田梓開始。
4天伊豆賞櫻行程介紹
4天伊豆賞櫻行程介紹
2020年伊豆期間限定景色
二月來日本，除了到輕井澤或白馬滑雪場之外，亦可考慮來伊豆的「河津町」欣賞櫻花。
認識河津櫻
河津位於伊豆半島，每年二、三月舉辦的「河津町櫻花祭」是島上盛事。河津櫻為東京近郊幾種最早盛開的櫻花之一，花期由二月初至三月初，花瓣較圓潤，花大呈粉紅，形狀獨特。河津町內共植有8,000株櫻花樹，分佈在四公里的河道兩旁，有些地區還可看到黃澄澄的油菜花與河津櫻齊放的畫面，因此，每年上百萬國內外遊客都找緊機會，前來觀賞遍佈粉紅色的河津。
「河津櫻」的美融入鄉間
第一天傍晚抵達「河津櫻並木」看櫻花，不幸下大雨，還颳起海風。遊人少了，櫻花被海風吹散到鄉間裡，花枝在特別漆黑的夜裡亂舞，風雨聲在山間「轟隆轟隆」，情景非常震撼；雨後晴天，露水沾在櫻花，藍天下的櫻花紋理清晰可見，透出一種新生命力，無論遠或近，整個河津披上一片粉紅色，艷麗起來。本地人生怕櫻花吹落，只會駐足觀賞，小心翼翼拍照，花美，人更美，此刻，仍然看得見遊人掛著的笑臉。
體驗「下田」歷史感的鮮味
車程半小時的伊豆「下田」市，亦有另一種嶄新體會。自1854年3月日本與美國簽下第一條不平等《日美和親條約》條約，開放「下田」和「函館」兩個港口通商後，下田市的景點就等於幕府末期的歷史，像「下田開國博物館」、「培里之路」，以及「黑船」，處處印住歷史足跡。此外，離下田市半小時車程的白濱海岸，你會見到海岸旁礁石佇立的鳥居，以及有2400年歷史的「白浜神社」。
不過，不得不提下田的名物「金目鯛」，金目鯛以伊豆相模灣產量最多最好，魚肉呈淡淡的櫻花粉紅色、魚肉鮮甜嫩滑，當地人通常會將金目鯛灑上海鹽去燒，甚至用來清蒸後蘸以豉油同吃。在懷舊的餐廳品嚐「下田市」新鮮海產，為下田市的旅程劃上完美句號。
「高原」獨特的自然景觀
由「河津町」乘火車往上走，可以來到「高原」市。「高原」是伊豆東部火山群的熔岩所形成，範圍一直向東延伸至相模灣海岸。由高原站坐區間車到達「城崎海岸」，可以看到「天城山」和「大室山」火山熔岩冷卻而成的奇特景觀；向下望是「門脇吊橋」以及「門脇燈塔」；遠望，你會體現到《伊豆舞孃》裡的伊豆，情景狀觀。
再乘車到「大室山」，如果能坐吊車登上山頂，可以遠眺伊豆群島甚至冬天的富士山。山下是日本唯一以仙人掌為主題的公園，一處讓小朋友親密接觸動物的地方，亦可體驗日本家庭如何教育下一代。如果再有時間，可以參觀有「伊豆之眼」稱號的「一碧湖」。如果來伊豆卻沒有到過「高原市」，感覺絕對會後悔。
小結
二月的伊豆溶合限時的自然美景、歷史背景以及鄉間的寫意生活模式，如果是「一個人旅行」就容易調節腳步，隨心思而走，感受伊豆寧靜的美。
日本櫻花花期很短，約為十天。河津櫻花就特顯其生命力，特別這2020年裡。即使顏色有時不是那麼的鮮明，即使陰翳，然而，在這昏暗的鄉間月夜下，櫻花卻呈現萬千世界。日本人對櫻花的嚮往，對自然界的嚮往，也可謂是別具一格。來這裡，你絕對會後悔沒有將相機放進旅行袋裡的。
「一個人旅行」行程
第一天
- 早上由新宿乘火車直達河津/下田，可以將行李放於車站行李存物櫃。午餐後用半天遊覽下田
- 傍晚返回河津町「河津櫻並木」欣賞櫻花及晚餐，餐後再欣賞晚櫻
第二天
- 可以直接到高原「誠崎海岸」（約半天時間），該站有車直達大室山及仙人掌公園
第三天
- 可以將行李存放於車站，再沿河上遊覽河津櫻花
相關資訊
| 天氣： 「河津櫻花祭」期間伊豆氣候溫暖，但要留意早晚溫差較大，山間及岸邊海風很強。 交通： 由新宿到河津乘坐「踊子號」或「超景踊子號」直達大約二小時四十分。區內主要靠鐵路為主，到個別景區需乘區間車，要留意區間車的時刻表來規劃行程。 住宿： 「河津櫻花祭」期間酒店住宿會非常繁忙，需要更早規劃，可以留意下田站或者今井濱站附近的酒店，而後者的「今井濱東急酒店」坐落在鐵路旁及海濱旁，一所非常優質的酒店，景色非常美。「一人旅」則可以選擇山上的小酒店和旅館，不過要留意冬天很快入夜，街上很少街燈，上山有點不便，但對都市人是一個非常的難得體驗。 |
你可能有興趣：三天兩夜「一路陽光度假村」酒店體驗
尋找你的旅行背包 