東伊豆除了到「#熱海」浸溫泉，亦可以去「大室山」和「城崎海岸」睇風景。沿着城崎海岸一路行，飽覽伊豆同太平洋相連的海岸線。
去 #誠崎海岸交通算方便。由東京車站搭乘踊子號或超景踊子號，約2小時30分，就抵達河津車站，再購買巴士套票一次行晒 #東伊豆 著名景點，班次算多，只要留意巴士到站時間表就可以。🚌
誠崎海岸是幾百年前火山岩漿冷卻後形成的自然景觀，長約9公里。入去「門脇燈塔」多為泥路，我就揀咗沿海岸線行，沿途有少少上落坡，海風吹住，唔會好辛苦；沿途周圍好多不同形狀的斷崖同礁岩，只聽到海水打到崖石嘅聲音，加上風聲、樹聲，再走近啲望，原來浪花都可以好靚。❤️❤️
沿着岸邊行，睇到嘅係太平洋，好感動，原來人類真係好渺小。
行咗大概30至40分鐘，越來越多人聲傳來，就知道返回社會，到達「門脇吊橋」。吊橋高23公尺，唔算壯觀，行過去「搖搖吓」，下面就係「太平洋」，跳出「維多利亞港」嘅層次，感覺幾得意。
尋找你的旅行背包 